Ministeriu Saude Sei halo Levantamentu Dadus hodi Identifika no Rejolve Problemas Iha Areas Hotu

Ministeriu Saúde sei halo levantamentu dadus hodi identifika problema ne’ebé mak durante ne’e Ministerio infrenta no buka identifika mos maneira oinsa atu rejolve problema hirak ne’ebé ministeriu Saúde infrenta.


Ministro Saúde, Sergio Lobo, Segunda (29/10), imforma katak, Ministeriu Saúde sei halo levantamentu ida hodi hatene problema saida mak presija hadia iha area hot-hotu, hanesan prestasaun servisu, Jestaun, Administrasaun no sel-seluktan.
Relasiona ho atu hatun numeru mortalidade inan ho oan iha teritoriu laran tomak, Ministeriu sei hala’o programa liu-liu haforsa programa SISCa ne’ebé IV Governu Konstitusional estabelese ona hanesan alokasaun pesoal Saúde hodi fo assistensia Saúde ba komunidade sira.


Ministeriu Saúde mos sei tau osan hodi moderniza fasilidade Saúde sira hanesan ambulansia, Ekipamentus medikus no sel-seluktan.


Iha mandatu tinan lima liu ba, Katak Sergio Lobo, Ministeriu Saúde halo ona progressu barak inklui prevensaun ba moras sira ne’ebé hanesan sei aas mak HIV/AIDS, TB, Diareia, no seluk-seluktan. No agora dadaun Ministeriu da Saúde kontinua halo sensibilzasaun ba komunidade konaba moras. MOH