FTH APOIU AIMORUK BA DROGADU

Atu ajuda drogadu sira hetan fali isin diak, Fundasaun Timor Hari FTH sei ajuda aimoruk ba drogadu nain sia nebe agora dadaun iha ona polisia nia liman.
“Ami iha ona planu atu ajuda fo aimoruk ba ema nain sia nebe polisia identifika ona Imforma Project officer Brigal Pereira iha ninia servisu fatin palapaco Dili, Sabadu 26/01.

Nia hateten oras nee sira nia parte sei tenta hela husu dadus husi polisia sira konaba identidade husi drogadu sira nee. Tuir nia liu husi dalan nee mak bele fasilita hodi fo aimoruk ba drogadu sira.

Maske tenta husu hela dadus maibe FTH rasik mos seidauk hasoru direta drogadu sira nee. Tuir nia tamba atu hasoru drogadu sira presija lao tuir prosesu legal nebe iha. Tanba nee nia parte mos seidauk hatene mai husi timor ka estrageiru.

Husi parte FTH sei halo karta ba Ministerio da Justica no wainhira hetan ona autorizasaun mak sei hare ninia prosesu oinsa
Nia mos reforsa tan katak atividade nebe mak sira halao hanesan parte ida husi sira nia programa saude no la iha relasaun ho polisia nia servisu. ( Fer )TP