Latest News

Ministériu Saúde halo planu sensibilizasaun Saúde

Iha tinan foun 2013 ne’e Ministériu Saúde MS iha ona planu servisu baziku hodi tun diretamente ba komunidade atu halo sensibilizasaun ba Saúde. Vice ministra Saúde ba asuntu etika no prestasaun servisu Natalia de Araujo, imforma katak espetativa atu hasa’e servisu baziku hodi hakbesik ba komunidade no fo hanoin konaba problema Saúde iha komunidade nia leet tinan-tinan moras malaria, dengue ho selu-seluk tan sempre afetadu makas ba komunidade, tanba ne’e, presija halo sensbilizasaun Saúde ba povu iha teritoriu tomak” imforma Natalia de Araujo iha minsiteriu Saúde, Dili, Kuarta 23/01.

Xina Apoiu Ambulansia ba MS

Governu popular povu xina fo apoiu solidariade hodi entrega kareta ambulansia neen ba minsteriu saude. Objektivu governu xina fo apoiu kareta ba MS nee ho intensaun hametin relasaun entre nasaun rua nee no atu fasilita servisu. MS nia ba asistensia saude, liu-liu ba komunidade sira nebe hela iha area rural.
Serimonia entrega ambulansia nee entrega diretamente husi Embasador xina ba Timor-Leste, Tian Guang Feng ba ministru saude Dr. Sergio Lobo.
Ambulansia sira nebe mak ohin entrega ba ministeriu saude nee ami sei hanoin didiak mak halo alokasaun ba distritu liu-liu klinika sentru saude sira nebe mak iha area remotas,” hateten Ministru saude Sergio Lobo.


Iha fatin hanesan embaxador xina ba timor leste tian guang feng” Governu xina senti orgulhu bele ajuda kareta ambulansia ba povu timor leste nebe sei menus ambulansia hodi fo atendementu ba pasientes sira nebe transfere husi area remotas mai nasional.

Páginas