PN Aprpopva Osan Tratamentu Saude Iha Rai Liur

Kada Deputadu  US$4.000

Parlamentu Nasional (PN)’kinta (22/11),aprova ona Orsamentu ba tinan 2013 nian ba deputadu

Sira atu halo tratamentu saude iha rai liur,kada deputadu  hetan US$.4000.orsamentu ho montante US$ 4000 ne’e, laos kada tinan lae.Maibe rutinidade ona atu fo ba deputadu sira bainhira ba halo tratamentu saude sira nian iha rai liur.Subsidiu atu halo tratamentu saude kada deputadu nian iha rai liu,antes ne’e iha tiha ona ho mantante US$ 2000,maibe deputadu sira konsidera ida ne’e la sufisiente.Tamba ne’e deputadu sira ejizi hodi aumenta tan orsamentu 100%ba subsidiu tratamentu saude nian iha rai liur.


Maski iha deputadu balun mak kontra proposta ne,e maibe,proposta ho número 12 ne,e pasa   
Iha parlamentu Nasoinal ho votasaun maoiria favor 30,abstensaun 9 no vota kontra 1.Tuir deputadu Aurelio Freitas husi bankada FRETILIN  ne,e be vota kontra ba proposta ne’e hateten katak,nia hakfodak oitoan ho orsamentu ba menbru parlamentu sira nian tanba iha ona osan esppesial ba kada deputadu sira atu halo check up annual.Tanba saida mak aprova tan US$ 4000 ne’e ba deputadu sira uza no povu sira moris ladiak hela.

“Ba povu ne’e ita la preokupa hau levanta problema iha ne’e fulan tolu ona ita la preokupa,ita preokupa liu ba ita nia an.Ita koalia dehan saude iha ita nia liman rasik,maibe agora ita atu entrega fali ba parlamentu sira atu hare ita nia saude,”katak deputadu Aurelio Guteres ba jornalista kinta (22/11)iha parlamentu Nasional.


Iha sorin seluk depudadu Antonio Ximenes husi bankada CNRT,hateten katak,nia kontra proposta ida ne’e tanba orsamentu ida ne’e povu nian,tenki prioridade ba povu uluk.Nia saliente,povu ki’ik sira iha area rural sei moris iha mukit nia laran,tanba ne’e nia husu atu orsamentu governu nian tenki uza tuir dalan,I labele hare liu ba asuntu privadu nian.


Iha fatin hanesan Deputadu husi Bankada PD Virgilio Hornai hateten katak,nia aseita iha aumentus,maibe,labele 100%.se bele 50% husi atribuisaun husi orsamentu ne’ebe iha. ,”Hau hanoin iha nessesidade duni tanba laos atu check up ona mak detekta moris,ita bele kontinua halo ona tratamentu,”katak nia.tap