Timor-oan Seidauk Hatene Servisu Otópsia

Dili, Tamba timor oan barak mak seidauk komprende konaba oinsa servisu otópsia, Ministériu Saúde komvida peritus nain tolu husi Indonesia no thailandia hodi mai fahe sira nia esperensia konaba asuntu refere.

Peritus nain tolu ne’e hanesan doutor Surya Admaja husi Indonézia, Dra. Pacharapo R. N no Doutor Chanong W husi thailandia. Peritus hirak ne’e koalia liu konaba oinsa servisu otópsia no medisina legal esperensia konaba oinsa hala’o otópsia ne’ebé sira fahe ne’e liu-liu ba iha instituisaun relevante sira hanesan Tribunal, Ministériu Públiku, Defensores, Medikus, Tekniku Forensiku Timor Oan no polisia investigasaun.

“Prejensa peritus nain tolu ne’ebé mai husi Indonesia nain ida Thailandia nain rua ne’e, mai atu koalia oituan konaba oinsa bele fahe esperensia konaba servisu otópsia, no nune’e positive tebes” apresia xefe prokurador Dili Jose Ximenes, Bainhira partisipa iha workshop ne’ebé hala’o iha salaun edifisiu ministeriu Saúde Kinta (13/12).

Nia hateten” ho esperensia ne’ebé mak peritus sira fahe sira bele estuda oituan konaba saida mak relativamente konaba krime sira hanesan otópsia no konaba sasan sira hanesan provas evidensia liu-liu konaba dejafius sa’ida.

Iha parte seluk importante ba ita atu deskobre buat balun ne’ebé la’os ba de’it krime relasaun seksual no krime homesidu maibe importante mos ba krime sira ofensus.

Tamba ne’e nia konsidera katak esperensia ne’ebé peritus hirak ne’ebé fahe hanesan oportunidade ida diak tamba oras ne’e timor barak mak seidauk hatene no komprende konaba servisu otópsia.

Iha fatin hanesan, Ministru Saúde Sergio Lobo, Konsidera prejensa husi peritus sira hanesan meus importante ida atu deskute klean para oinsa bele sai rekomendasaun ba governu konaba pojisaun no politika konaba otópsia ne’ebé hala’o iha timor leste.
Tamba tuir Ministru, Durante ne’e nivel Governu seidauk iha politika klaru konaba diferensia entre presepasaun konaba se mak iha kompetensia atu hala’o otópsia entre Ministériu Públiku no Ministeriu Saúde.

“ Dala barak ema mate iha fatin hot-hotu sempre lori mai halo otópsia iha Ospital Nasional Guido Valadares maibe la presija tamba bele halo iha fatin akontesementu ba” Haktuir Ministru. Cos